الاثنين، يوليو ٢٦، ٢٠١٠
غمضت عينى
غمضت عينى على كل حاجة ,غمضت ومش حاشوف حاجة,غمضت عينى ونمت كتير,وحلمت ببيت وشجرة وطير,سالنى البيت لية غمضت؟ هوة انت حتى لسة بدات,مخك كدة بطل تفكير,غمضت عينى ونمت كتير,نادهتلى الشجرة وقالتلى قرب, اوعى تخلى حياتك تهرب,وتعيشها من غير تغيير,غمضت عينى ونمت كتير,شافنى الطير راكن على البيت,قالى يعنى خلاص انتهيت,خليت حياتك زى الشريط,شغال عمال يعيد ويزيد,بس يعيد من غير ميفيد,والافادة فى التغيير,غمضت عينى ونمت كتير,وصحيت مفزوع من نومى ولبست قوام هدومى,وجريت زى المجنون,وفى بالى كلام موزون,لازم يوصل للناس,يوصل كامل الاحساس,ويغير فيهم وقتى,وانا عمرى ماضيع وقتى,ان شاء الله اعزق بالفاس,بس اصلح شان الغير,بكلام حلو وجميل,وقصديتى اهى بالتفصيل,غمضت عينى ونمت كتير
الاشتراك في:
تعليقات الرسالة (Atom)
ليست هناك تعليقات:
إرسال تعليق